سواقه إليـا بغـى المقنـاص مـا رده
قصيده اعجبتني واتمنى ان تنال اعجابكم ورضااكم
سواقه إليـا بغـى المقنـاص مـا رده
جيب(ن) موديله جديد وقيمتـه كاشـي
اشوى من اللي شراه اقساد ومـا كـده
عسى المواتر تبيد أن كان مـا عاشـي
شيخ المواتـر وسيدهـن وهـن جنـده
أنا أشهد أنـه تعـلا فـوق وأعتاشـي
حطـم رقـوم المواتـر نعنبـوا جـده
الموتر اللي يحـس بحرقـة الجاشـي
هو موتري لبى صوت السلف من قـده
لبيـت يـا وارد اليابـان مطـراشـي
يوم أن قلب المولـع واصـل(ن) حـده
يوم أن كل(ن) تحيٌزم للخـلا وشاشـي
أبـا أتحيٌـزم بعـد واولــم الـعـده
ضاقت بي الديـره القشـرا وأبنحاشـي
يم الخـلا الخالـي اللـي خافقـي وده
لا شفت هاك الهداد يجينـي اخراشـي
لك كن قلبـي يخـاوي طيـري فالهـده
يفدى خوي(ن) مخاوينـي ولـد لاشـي
لا صار حر(ن) ولد حر(ن) على الشـده
يا لايمي يـا عسـاك اليـوم للواشـي
يا لا يمي يـا عسـاك اليـوم للصـده
__________________
ياهيه ياللي عليـه يشعـب جنونـه
الريح ماحركت صخرة مـن العالـي
ماني على الناقصه من يبدع لحونـه
أنا علـى الوافيـات أجـر موالـي
والشله اللي على الشيـن يرمونـه
الشين طبع الردي في كل الأحوالـي
والتافهه تافهه لـو كـان مزيونـه
تبقى على طبعها في المر والحالـي
أخايل الجـود لـو هـم مايريدونـه
في دربي أطا على الديبان بـ......
ياركلتن جيتي من الخلـف ممنونـه
أثبتـي ان الصـداره دوم منزالـي
|
العرض العادي
